Ўзбекистон жаҳон тиллари университетига қарашли 0,5 гектар ер майдони Тошкент вилояти тасарруфига қайтарилди. Бу ҳақда вилоят ҳокимлиги матбуот хизмати хабар берди.
Маълум қилинишича, университети ректорининг мурожаати, Кадастр агентлиги Тошкент вилояти бошқармасининг тақдимномасига кўра, Паркент тумани, «Бошқизилсой» массивида жойлашган 0,5 гектар ер майдони давлат захирасига қайтарилмоқда.
Мазкур ер майдони 1973 йилда Юқори Чирчиқ туман депутатлар совети ижроия қўмитасининг қарори билан Республика рус тили ва адабиёти педагогика институти (ҳозирги Ўзбекистон давлат жаҳон тиллари университети)га «Соғломлаштириш ва дам олиш маскани» қурилиши учун ажратилган.
Мазкур бўш турган қишлоқ хўжалигига мўлжалланган ер майдони келгусида белгиланган тартибда самарали фойдаланиш учун заҳирага қайтарилди.
Бу ҳақда 27 декабрь куни вилоят ҳокими Зойир Мирзаевнинг тегишли қарори имзоланди.
Изоҳ (0)