Sirdaryo viloyati Guliston shahrida 26-dekabr kuni fuqaro dorixona sotuvchisini kaltaklagandi. Viloyat Ichki ishlar boshqarmasi holat yuzasidan qoʻshimcha maʼlumot berdi.
Taʼkidlanishicha, 26-dekabr kuni fuqaro M.U. Guliston shahridagi dorixonada ishlayotgan vaqtda oʻziga notanish boʻlgan mast holatga kelib, uni soʻkib, tan jarohati yetkazgani toʻgʻrisida murojaat kelib tushgan.
Olib borilgan tergovga qadar tekshiruv harakatlari davomida ushbu holatni sodir etgan shaxslar aniqlanib, fuqaro D.I. yaqinda farzandli boʻlgani sababli oʻzining oʻrtoqlari bilan spirtli ichimlik isteʼmol qilib oʻtirgan vaqtda turmush oʻrtogʻi unga qoʻngʻiroq qilib, ayollar dorisini olib kelishini soʻragan.
Shundan soʻng D.I. dorixonaga borib, doʻstlaridan tortinib, sotuvchidan yaqinroq kelishni talab qilgan. Natijada videolavhadagi holat sodir boʻlgan. Fuqaro sotuvchidan hech qanaqa noqonuniy dori soʻramagan.
Shuningdek, videodagi Lacetti esa ushbu holatga aloqasi boʻlmagan. Hozirda holat yuzasidan protsessual harakatlar olib borilmoqda. Surishtiruvlar natijasiga koʻra, aybdorlarga nisbatan qonuniy chora koʻriladi.
“Qilgan ishimdan pushaymonman. Meni koʻrib turganlarga aytardim, ichkilik taʼsirida yurish notoʻgʻri ish, hech kimga maslahat bermayman. Hamma ayb menda. Kechiringlar, bundan keyin bunday holatlar takrorlanmaydi”, — deydi D.I.
Mavzuga doir: Farg‘onadagi maktabda o‘quvchining yaqinlari o‘qituvchilarni kaltakladi
Izoh (0)