ICE birjasi kotirovkalariga ko‘ra, 27-dekabr kuni savdolar ochilishida TTF indeksi bo‘yicha yanvar oyidagi gaz fyucherslari narxi MVt/soat uchun 80 yevroni yoki 1 000 kub metr uchun taxminan 895 dollarni tashkil qilgan. Bu haqda “Kommersant” xabar bermoqda.
Foto: “Daryo” / Munojot Adilova
Bu 13-iyundan beri Yevropada energiya resursining eng past bahosi — ko‘rsatkich o‘tgan hafta boshidan beri pasayib bormoqda.
Toshkent vaqti bilan 14:22 holatiga ko‘ra, fyucherslar narxi MVt/soat uchun 81,2 yevroga ko‘tarildi.
Bir hafta oldin, 20-dekabr kuni energiya resursining birja narxi Urengoy—Pomari—Ujgorod magistral gaz quvuridagi portlash fonida 1 MVt/soat uchun 114,33 yevrogacha ko‘tarildi. Keyinchalik gaz narxi yoz boshidagi darajaga tusha boshladi.
22-dekabr kuni Yevropa Ittifoqi gaz narxining yuqori chegarasini MVt/soat uchun 180 yevro miqdorida tasdiqladi.
Cheklov 2023-yil 15-fevralda kuchga kiradi, Yevropa Komissiyasi chegara haqidagi kelishuvni “energiya ta’minoti xavfsizligi va moliyaviy bozorlar barqarorligini” ta’minlash bilan izohladi.
Mavzuga doir: Gaz narxining yuqori chegarasi Yevropaning energiya inqirozini kuchaytirishi mumkin — Bloomberg
Izoh (0)