Buyuk Britaniyaning Iqtisodiyot va biznes tadqiqotlari markazi (CEBR) tahlilchilarining fikricha, kelgusi yilda inflyatsiya oshib borayotgan mamlakatlar markaziy banklarning kurash usullari tufayli jahon iqtisodiyoti retsessiyaga yuz tutishi mumkin. Bu haqda CEBR hisobotida qayd etildi.
“Ehtimol, inflyatsiyaning oshishiga javoban yuqori foiz stavkalari natijasida jahon iqtisodiyoti kelasi yil retsessiyaga yuz tutishi mumkin”, — deyiladi Britaniya tahlil markazi hisobotida.
“Inflyatsiyaga qarshi kurashda hali g‘alaba qozonilgani yo‘q. Iqtisodiy xarajatlarga qaramay, markaziy banklar 2023-yilda xuddi shunday amaliyotga amal qilishlarini kutamiz. Inflyatsiyani qulayroq darajaga tushirish xarajatlari kelgusi bir necha yil ichida iqtisodiy o‘sish istiqbollarining yomonlashtiradi”, — deydi CEBR.
Avvalroq Xalqaro Valyuta Jamg‘armasi 2023-yilda jahon iqtisodiyotining retsessiyaga kirishi ehtimoli taxminan 25 foizni tashkil etishini, retsessiya esa jahon iqtisodiyotining qariyb uchdan bir qismida kuzatilishini prognoz qilgan edi.
Bundan tashqari, CEBR prognozlariga ko‘ra, 2037-yilga kelib jahon yalpi ichki mahsuloti (kompaniya tahlilchilari an’anaviy ravishda keyingi 15 yil uchun prognozlar qiladi) rivojlanayotgan mamlakatlar iqtisodiyotidagi sakrash tufayli joriy yilga nisbatan ikki baravar ko‘payadi.
Shu bilan birga, Xitoy, yangi prognozga ko‘ra 2036-yilda yalpi ichki mahsulot bo‘yicha AQSHdan o‘tib ketadi.
Xuddi shu davrga kelib Hindiston dunyoning uchinchi eng yirik qitisodiyotiga aylanadi. Mamlakat yalpi ichki mahsuloti 2035-yilda 10 trillion dollarga yetishi kutilmoqda.
Mavzuga doir: 2023-yil uchun global yalpi ichki mahsulot o‘sishi prognozi 1,4 foizgacha pasaytirildi — Fitch
Izoh (0)