Yevropa Ittifoqi mamlakatlari tomonidan tabiiy gaz narxiga yuqori chegara qo‘yish mintaqaga xomashyo yetkazib berishni to‘xtatishi va energiya inqirozini yanada kuchaytirishi mumkin. Bu haqda Bloomberg xabar bermoqda.
Ta’kidlanishicha, Yevropa Ittifoqi tomonidan kelishilgan gaz narxining yuqori chegarasi mexanizmi narxlar o‘zgarishining oldini olishga yordam berishi mumkin.
Biroq u Yevropani gaz ta’minoti taqchilligi va Osiyodan raqobat kuchayishiga qarshi himoyasiz qoldirishi ham mumkin.
Goldman Sachs Group tahlilchilarining hisobotiga ko‘ra, talabni cheklamagan narxning yuqori darajasi iste’molni rag‘batlantirish orqali gaz yetkazib berish taqchilligi xavfini keltirib chiqaradi.
Bu 2023-yilda global ta’minotni qisqartirishi va eng yomon ssenariyda hukumatlarni gaz iste’moli stavkasini belgilashga majbur qilishi mumkin.
Bundan tashqari, narxlarning yuqori darajasi yevropalik importyorlar uchun suyultirilgan gaz (LNG) ta’minoti uchun takliflarni sezilarli darajada oshirishni qiyinlashtiradi.
Agentlik yozganidek, agar narxlar Yevropadagi chegaraviy qiymatlardan oshsa, LNG yetkazib beruvchilari xaridor sifatida Osiyoni tanlaydi.
Avvalroq Yevropa Ittifoqi Rossiya gazining yuqori narx chegarasini belgilagani haqida xabar berilgandi.
Polshaning iqlim va atrof-muhit vaziri Anna Moskvaning aytishicha, Vengriya Yevropa Ittifoqida gaz narxining yuqori chegarasi joriy qilinishiga qarshi, Avstriya va Niderlandiya esa betaraf qolgan.
Keyinroq Gollandiyaning iqlim va energetika siyosati vaziri Rob Jetten qirollik Yevropa Ittifoqi qarorini hozirgi shaklda qo‘llab-quvvatlamasligini aytgan.
Izoh (0)