ICE биржаси котировкаларига кўра, 27 декабрь куни савдолар очилишида ТТФ индекси бўйича январь ойидаги газ фючерслари нархи МВт/соат учун 80 еврони ёки 1 000 куб метр учун тахминан 895 долларни ташкил қилган. Бу ҳақда “Коммерсант” хабар бермоқда.
Фото: “Дарё” / Муножот Адилова
Бу 13 июндан бери Европада энергия ресурсининг энг паст баҳоси — кўрсаткич ўтган ҳафта бошидан бери пасайиб бормоқда.
Тошкент вақти билан 14:22 ҳолатига кўра, фючерслар нархи МВт/соат учун 81,2 еврога кўтарилди.
Бир ҳафта олдин, 20 декабрь куни энергия ресурсининг биржа нархи Уренгой—Помари—Ужгород магистрал газ қувуридаги портлаш фонида 1 МВт/соат учун 114,33 еврогача кўтарилди. Кейинчалик газ нархи ёз бошидаги даражага туша бошлади.
22 декабрь куни Европа Иттифоқи газ нархининг юқори чегарасини МВт/соат учун 180 евро миқдорида тасдиқлади.
Чеклов 2023 йил 15 февралда кучга киради, Европа Комиссияси чегара ҳақидаги келишувни “энергия таъминоти хавфсизлиги ва молиявий бозорлар барқарорлигини” таъминлаш билан изоҳлади.
Мавзуга доир: Газ нархининг юқори чегараси Европанинг энергия инқирозини кучайтириши мумкин — Bloomberg
Изоҳ (0)