“PSV” futbolchisi Kodi Gakpo “Manchester Yunayted”ga o‘tishga qarshi emas.
Jurnalist Fabrisio Romanoning xabariga ko‘ra, 23 yoshli futbolchining mankunianliklar safiga o‘tish qarori o‘zgarmagan. Gakpo o‘tgan yozda ham “qizil iblislar” a’zosiga aylanishni xohlagan. “Manchester Yunayted” va futbolchining agenti o‘rtasida muzokaralar doimo yaxshi o‘tgan.
Hozirda gap faqat mankunianliklarda qolmoqda. Klub Niderlandiya terma jamoasi vingeri uchun 55-60 million yevro sarflash to‘g‘rimi yoki yo‘qligi borasida o‘ylamoqda.
Kodi joriy mavsum “PSV” safida 24 o‘yinda ishtirok etib, 13 ta gol va 17 ta golli uzatmaga mualliflik qilgan. Shuningdek, Gakpo JCH—2022 da 5 ta o‘yinda ishirok etib, 3 ta golni o‘z hisobiga yozdirib qo‘ydi.
Izoh (0)