Karim Benzemaning do‘sti hujumchi JCH—2022 da Fransiya tarkibiga chaqirilmagani haqida gapirdi.
Fransiyalik futbolchi Qatardagi mundial boshlanishidan bir necha kun oldin kichik jarohat oldi va u turnirda ishtirok etmasligi ma’lum bo‘ldi. Didye Desham futbolchini terma jamoaga chaqirmadi.
“Fransiya Qatarga jo‘nab ketganidan bir hafta o‘tib, Benzema yugurish mashqlarini boshladi va mashg‘ulotlarda ishtirok etdi. Uning maqsadi 4 kundan so‘ng ‘Real’ safida o‘rtoqlik o‘yinida 30 daqiqa maydonga tushish edi. Lekin Stefanning (Didye Deshamning Fransiya terma jamoasidagi yordamchisi) talqiniga ko‘ra, u musobaqada ishtirok eta olmasdi!
Yolg‘on gapirishda davom eting, biroq haqiqat bir kun yuzaga chiqadi”, — deydi Benzemaning yaqin do‘sti va sobiq agenti Karim Jaziri.
Karim Benzema 19-dekabr kuni Fransiya terma jamoasidagi faoliyatini yakunlaganini ma’lum qildi. 35 yoshli futbolchi JCH—2022 da ishtirok etmaganining asosiy sababi sifatida Didye Desham u bilan yaxshi munosabatda bo‘lmaganini ko‘radi.
Izoh (0)