Kilian Mbappe “PSJ”da qolish uchun shartlarini ma’lum qildi. Ulardan biri — Neymarning transferga qo‘yilishi

“PSJ” hujumchisi Kilian Mbappe jamoada qolish uchun rahbariyatga uchta shart qo‘ydi, deya xabar beradi OK Diario nashri.

Mbappening Parij klubi bilan shartnomasi 2024-yilda o‘z nihoyasiga yetadi. Kilian jamoada qolish uchun rahbariyatga bir nechta shart qo‘ydi.

Ulardan biri — braziliyalik Neymarning transferga qo‘yilishi. Klub yozda Neymarni sotmoqchi edi, biroq futbolchining maoshini to‘lab berishga qodir klublardan taklif bo‘lmadi. Ikkinchi shart — “Tottenhem” hujumchisi Harri Keyn bilan shartnoma imzolash. Angliyalik futbolchining “shporlar” bilan amaldagi shartnomasi 2024-yilda o‘z nihoyasiga yetadi.

Fransuzning uchinchi sharti esa “Real” sobiq murabbiyi Zinedin Zidan “PSJ” bosh murabbiyiga aylanishi.

Eslatib o‘tamiz, Mbappe yozda “PSJ” bilan yangi shartnoma imzolagan.