AQSHda qattiq sovuq va qor bo‘roni qurbonlari soni 34 kishiga yetdi, deb xabar bermoqda Associated Press.
“AQSHda qishki bo‘ron kamida 34 kishining hayotiga zomin bo‘ldi”, — deyiladi agentlik xabarida. Avvalroq kamida 23 kishi halok bo‘lgani xabar qilingandi.
O‘tgan hafta mamlakatning aksariyat shtatlariga qor bo‘roni urildi. AQSH Milliy ob-havo xizmati (NWS) ma’lumotlariga ko‘ra, 48 ta shtatda 200 milliondan ortiq amerikaliklar xavf darajasining oshishi haqida ogohlantirish olgan.
4 million iste’molchiga xizmat ko‘rsatuvchi Nyu-Yorkning Con Edison kompanyasi qattiq sovuq fonida gaz quvurlariga yuk ortib borayotgani sababli aholidan elektr energiyasini tejashni so‘radi. Konnektikut, Men, Massachusets, Nyu-Hempshir, Rod-Aylend va Vermont shtatlariga xizmat ko‘rsatadigan ISO New England energiya operatori ham shunday iltimos bilan chiqdi. Kompaniya favqulodda holat e’lon qildi.
Qor bo‘roni tufayli AQSH aeroportlari uzilishlar bilan ishlamoqda. Mamlakat bo‘ylab 25-dekabr holatiga ko‘ra, 7000 dan ortiq reyslar bekor qilingan yoki kechiktirilgan.
Izoh (0)