АҚШда қаттиқ совуқ ва қор бўрони қурбонлари сони 34 кишига етди, деб хабар бермоқда Associated Press.
«АҚШда қишки бўрон камида 34 кишининг ҳаётига зомин бўлди», — дейилади агентлик хабарида. Аввалроқ камида 23 киши ҳалок бўлгани хабар қилинганди.
Ўтган ҳафта мамлакатнинг аксарият штатларига қор бўрони урилди. АҚШ Миллий об-ҳаво хизмати (NWS) маълумотларига кўра, 48 та штатда 200 миллиондан ортиқ америкаликлар хавф даражасининг ошиши ҳақида огоҳлантириш олган.
4 миллион истеъмолчига хизмат кўрсатувчи Нью-Йоркнинг Cоn Edison компаняси қаттиқ совуқ фонида газ қувурларига юк ортиб бораётгани сабабли аҳолидан электр энергиясини тежашни сўради. Коннектикут, Мен, Массачусетс, Ню-Ҳемпшир, Род-Айленд ва Вермонт штатларига хизмат кўрсатадиган ISO New England энергия оператори ҳам шундай илтимос билан чиқди. Компания фавқулодда ҳолат эълон қилди.
Қор бўрони туфайли АҚШ аэропортлари узилишлар билан ишламоқда. Мамлакат бўйлаб 25 декабрь ҳолатига кўра, 7000 дан ортиқ рейслар бекор қилинган ёки кечиктирилган.
Изоҳ (0)