AQSHda qor bo‘roni oqibatida kamida 9 kishi halok bo‘ldi (video)

AQSHning sharqda va o‘rta g‘arbda joylashgan ba’zi shtatlarida kuchli qor bo‘roni oqibatida halok bo‘lganlar bor, deb xabar bermoqda CNN.

Our field correspondent Brandon Clement has been near Buffalo, NY throughout the day, giving us glimpses of the terrifying conditions. He said this may be the most intense weather he's seen. We'll give the latest updates as they come in.#snow #blizzard @NYwx pic.twitter.com/JMs1ujHU93

— WeatherNation (@WeatherNation) December 24, 2022

Ogayo shtatida to‘rt kishi yo‘l-transport hodisalarida qurbon bo‘ldi, yana bir necha kishi jarohatlar oldi, bu haqda gubernator Mayk DeVayn ma’lum qilmoqda.

Kanzas shtatida ham turli YTHlar oqibatida to‘rt kishi halok bo‘ldi, shtat yo‘l patrul xizmati va politsiyasi ma’lumotlari shundan darak bermoqda.

Check out this video the Nebraska State Patrol sent us. It's from Dec. 21 and shows dashcam from a patrol vehicle while parked inside a blizzard.

The NSP says if you get stranded while on the road, you should stay put in the vehicle and call for help. pic.twitter.com/Hcr9s1eypb

— KTIV News Four (@ktivnews) December 22, 2022

Kentukkida yana uch nafar qurbon bor, gubernator Endi Beshir aytishicha, ularning ikki nafari avtohalokatlarda, bir nafari esa noma’lum sababga ko‘ra halok bo‘lgan.

CNN qayd etishicha, noqulay ob-havo sharoitida halok bo‘lganlar haqidagi ma’lumotlar 21-dekabr, chorshanba kunidan buyon kelib tushmoqda, bo‘ron 23-dekabr kuni avjiga chiqqan.

Bundan tashqari, mamlakatda elektr energiyasi bilan bog‘liq uzilishlar boshlandi. Elektr uzatilishini kuzatib boruvchi “PowerOutage.us” sayti ma’lumotlariga ko‘ra, 1 million iste’molchi chiroqsiz qolgan vaziyatlar ham bo‘ldi. So‘nggi ma’lumotlarga qaraganda, 500 mingdan ortiq aholi elektr energiyasi bilan bog‘liq muammolarni boshidan kechirmoqda, shularning yarmidan ko‘pi — sharqiy Men shtati aholisidir.

Ko‘plab shtatlarda havo keskin sovib ketishi kuzatildi, Vayoming havo harorati bo‘yicha rekord o‘rnatdi — u yerda termometr ustuni -41 darajagacha tushib ketdi.

Qor bo‘roni oqibatida yo‘llar yopilgan, aviareyslar va temir yo‘l reyslari bekor qilingan.

Avvalroq Yaponiyada 17-dekabrdan beri tinmayotgan qor oqibatida 8 kishi halok bo‘lib, 45 kishi jarohatlangani xabar berilgan edi.