Maldiv orollarini 2018-yil noyabr oyi o‘rtalarigacha boshqargan Abdulla Yamin 11 yilga qamalishi mumkin. Bu haqda mahalliy Avas nashri xabar berdi.
Sobiq prezident 2022-yil yanvaridan beri davom etayotgan sud jarayonida bir qancha moddalar bo‘yicha aybdor deb topilgan. Siyosatchi poraxo‘rlik va pul yuvishda ayblanmoqda. Yamin jami 11 yilga yaqin qamoq jazosiga mahkum etilishi mumkin, sud jarayonida siyosatchiga nisbatan bunday jazoni Maldiv orollari prokuraturasi vakillari talab qilgan. Sobiq prezident 1 million dollar pora olish va bu mablag‘larni noqonuniy o‘zlashtirishda aybdor deb topilgan.
Abdulla Yamin 2013-yilning noyabridan 2018-yilning noyabrigacha Maldiv orollari prezidenti bo‘lgan. 2018-yil dekabrida ehtimoliy moliyaviy firibgarlik bo‘yicha Maldiv orollari sudi uning qariyb 6,5 million dollar miqdoridagi bank hisobini muzlatgan. 2019-yil fevral oyida u o‘g‘irlik, pul yuvish va yolg‘on guvohlik berishda ayblangan. 2019-yil noyabr oyida 5 million dollar jarima bilan besh yilga ozodlikdan mahrum etilgan, ammo 2021-yilda qamoq muddati bekor qilingan.
Mavzuga doir:
- Moldova sobiq prezidenti uy qamog‘idan ozod qilindi
- AQSH sobiq prezidentini jinoiy javobgarlikka tortish tavsiya qilindi
- Ukrainada sobiq prezident Yanukovichning butun mol-mulki musodara qilindi
- Gvatemala sobiq prezidenti 16 yilga qamaldi
- Peru prezidentiga impichment e’lon qilingach, u politsiya tomonidan qo‘lga olindi
Izoh (0)