“Barselona” klubi sobiq yarim himoyachisi, hozirda Yaponiyaning “Vissel Kobe”sida harakat qilayotgan Andres Inyesta katalonlar ustozi Xavi haqidagi fikrlari bilan o‘rtoqlashdi.
“So‘nggi yillardagi voqealarni inobatga olsak, u jamoani oson bo‘lmagan vaziyatda qabul qilib oldi. Yaxshi tomonga o‘sish borligiga ishonaman. Bilaman, yakunda hammasi sovrinlar bilan o‘lchanadi, biroq barchamiz umid qilgan holat sari yurish kuzatilyapti.
Ishonchim komil, jamoa joriy mavsum La Liga g‘olibligini qo‘lga kiritadi. U Chempionlar Ligasidan chiqib ketdi va bu barchaga zarba bo‘ldi, biroq boshqa musobaqalardagi ishtirokini davom ettirmoqda.
La Ligada barcha jamoalar yaxshi holatda. Garchi oldinda ko‘plab o‘yinlar turgan bo‘lsa-da, “Barselona” chempionatni yutishiga ishonchim komil”, — deydi Inyesta.
“Barselona” La Liga 14-turdan keyin 37 ochko bilan peshqadam bo‘lib turibdi va eng yaqin ta’qibchisi “Real”ni ikki ochkoga ortda qoldirmoqda.
Izoh (0)