«Барселона» клуби собиқ ярим ҳимоячиси, ҳозирда Япониянинг «Виссел Кобе»сида ҳаракат қилаётган Андрес Иньеста каталонлар устози Хави ҳақидаги фикрлари билан ўртоқлашди.
«Сўнгги йиллардаги воқеаларни инобатга олсак, у жамоани осон бўлмаган вазиятда қабул қилиб олди. Яхши томонга ўсиш борлигига ишонаман. Биламан, якунда ҳаммаси совринлар билан ўлчанади, бироқ барчамиз умид қилган ҳолат сари юриш кузатиляпти.
Ишончим комил, жамоа жорий мавсум Ла Лига ғолиблигини қўлга киритади. У Чемпионлар Лигасидан чиқиб кетди ва бу барчага зарба бўлди, бироқ бошқа мусобақалардаги иштирокини давом эттирмоқда.
Ла Лигада барча жамоалар яхши ҳолатда. Гарчи олдинда кўплаб ўйинлар турган бўлса-да, «Барселона» чемпионатни ютишига ишончим комил», — дейди Иньеста.
«Барселона» Ла Лига 14-турдан кейин 37 очко билан пешқадам бўлиб турибди ва энг яқин таъқибчиси «Реал»ни икки очкога ортда қолдирмоқда.
Изоҳ (0)