Erik ten Hag: “Manchester Yunayted”ning yangi kelajagini qurmoqchimiz, Ronaldu uning bir qismi bo‘lishni istamadi

“Manchester Yunayted” bosh murabbiyi Erik ten Hag dekabr oyida jamoa bilan shartnomani bekor qilgan Krishtianu Ronaldu haqida fikr bildirdi.

“Bu endi ortda qoldi. Biz oldinga qaraymiz va harakatda davom etamiz. Intervyudan keyin u bilan suhbatlashmadim.

Aytganimdek hammasi ortda qoldi. Biz “Manchester Yunayted” uchun yangi kelajak qurmoqchimiz, u esa buning bir bo‘lagi bo‘lishni istamadi. Yurishda davom etamiz. Bunga quvvat sarflashni istamayman”, — deydi ten Hag.

Ronaldu klubda ten Hag bilan kelisha olmagan va shov-shuvni intervyusida mutaxassisni hurmat qilmasligini aytgandi. Dekabr oyida jamoa futbolchi bilan shartnomani bekor qildi. Ayni vaqtda Ronaldu erkin agent maqomida bo‘lib turibdi.

Mavzuga doir:

• “Fergyuson o‘zidan keyin klubda katta bo‘shliq qoldirib ketgan ekan”. Krishtianu Ronalduning shov-shuvli intervyusi e’lon qilindi
• “Ten Hagni hurmat qilmayman. Klub menga xiyonat qildi” — Ronaldu “Manchester Yunayted”dagi vaziyat haqida keskin gapirdi
• Ronaldu Saudiya Arabistoni klubiga o‘tib, mamlakatning JCH—2030 mezbonligi bo‘yicha elchisiga aylanishi mumkin