Mask ikki yil davomida Tesla aksiyalarini sotmasligini aytdi

Ilon Mask ikki yil ichida o‘zi rahbarlik qilayotgan Tesla aksiyalarini sotishni rejalashtirmasligini aytdi. Bu haqda Reuters agentligi xabar berdi.

Mask Reuters’ga bergan intervyusida aksiyalarni ikki yil ichida sotishni rejalashtirmayotganini ma’lum qilgan. 

Ilon Maskning prognoz qilishicha, 2023-yilda iqtisodiyot “jiddiy turg‘unlik”ga tushib qoladi va qimmatbaho tovarlarga talab kamayadi. Uning ta’kidlashicha, kompaniya aksiyalarni qaytarib sotib olish imkoniyatini ko‘rib chiqmoqda, biroq qaror retsessiya ko‘lamiga bog‘liq bo‘ladi.

15-dekabr kuni AQSH Qimmatli qog‘ozlar va birjalar komissiyasi (SEC) elektron ma’lumotlar bazasiga kiritilgan ma’lumotlarga asoslanib, Mask o‘zining Tesla elektromobil ishlab chiqaruvchisidagi ulushlarining bir qismini jami taxminan 3,6 milliard dollarga sotgani ma’lum qilgandi.

Avvalroq Ilon Mask joriy yilda 2021-yilda topgan boyligidan ko‘ra ko‘proq mablag‘ yo‘qotgani haqida xabar berilgan edi.