Илон Маск икки йил ичида ўзи раҳбарлик қилаётган Tesla акцияларини сотишни режалаштирмаслигини айтди. Бу ҳақда Reuters агентлиги хабар берди.
Маск Reuters’га берган интервьюсида акцияларни икки йил ичида сотишни режалаштирмаётганини маълум қилган.
Илон Маскнинг прогноз қилишича, 2023 йилда иқтисодиёт «жиддий турғунлик»га тушиб қолади ва қимматбаҳо товарларга талаб камаяди. Унинг таъкидлашича, компания акцияларни қайтариб сотиб олиш имкониятини кўриб чиқмоқда, бироқ қарор рецессия кўламига боғлиқ бўлади.
15 декабрь куни АҚШ Қимматли қоғозлар ва биржалар комиссияси (SEC) электрон маълумотлар базасига киритилган маълумотларга асосланиб, Маск ўзининг Tesla электромобиль ишлаб чиқарувчисидаги улушларининг бир қисмини жами тахминан 3,6 миллиард долларга сотгани маълум қилганди.
Аввалроқ Илон Маск жорий йилда 2021 йилда топган бойлигидан кўра кўпроқ маблағ йўқотгани ҳақида хабар берилган эди.
Изоҳ (0)