Amerikaning Netflix kompaniyasi Amir Temurning hayotiga bag‘ishlangan film suratga olmoqchi. Bu haqda Kazinform xabar berdi.
Ma’lum qilinishicha, tarixiy film sujetida Amir Temurning kuchli sarkarda va mohir harbiy strateg sifatida shakllangan davri tasvirlangan. Film ijodkorlari ushbu loyihaga qozog‘istonlik mutaxassislarni jalb etish niyatida.
Eksteryer suratga olish ishlarining asosiy qismi Qozog‘istonda, ichki suratga olish ishlari esa O‘zbekistonda bo‘lishi kutilmoqda. Tayyorgarlik 2023-yilning yanvar—mart oylariga, suratga olish ishlari esa aprel—may oylariga rejalashtirilgan.
“Kelgusida Amir Temur hayotini g‘arblik tomoshabinlarga hamjihat va qiziqarli tarzda taqdim etamiz degan umiddamiz. G‘arbga noma’lum madaniyatlar haqidagi hikoyalar hozirda alohida qiziqish uyg‘otmoqda. Shunday ekan, ishimiz G‘arb va Sharq tomoshabinlari o‘rtasida ko‘prik bo‘lishini istayman”, — degan amerikalik rejissor Jeykob Shvars.
Izoh (0)