Американинг Netflix компанияси Амир Темурнинг ҳаётига бағишланган фильм суратга олмоқчи. Бу ҳақда Kazinform хабар берди.
Маълум қилинишича, тарихий фильм сюжетида Амир Темурнинг кучли саркарда ва моҳир ҳарбий стратег сифатида шаклланган даври тасвирланган. Фильм ижодкорлари ушбу лойиҳага қозоғистонлик мутахассисларни жалб этиш ниятида.
Экстерер суратга олиш ишларининг асосий қисми Қозоғистонда, ички суратга олиш ишлари эса Ўзбекистонда бўлиши кутилмоқда. Тайёргарлик 2023 йилнинг январь—март ойларига, суратга олиш ишлари эса апрель—май ойларига режалаштирилган.
«Келгусида Амир Темур ҳаётини ғарблик томошабинларга ҳамжиҳат ва қизиқарли тарзда тақдим этамиз деган умиддамиз. Ғарбга номаълум маданиятлар ҳақидаги ҳикоялар ҳозирда алоҳида қизиқиш уйғотмоқда. Шундай экан, ишимиз Ғарб ва Шарқ томошабинлари ўртасида кўприк бўлишини истайман», — деган америкалик режиссёр Жейкоб Шварс.
Изоҳ (0)