Qashqadaryoda 23 yoshli homilador kelin o‘zini osib o‘ldirgani aytilmoqda

Ijtimoiy tarmoqlarda Kasbi tumanida 23 yoshli ayol o‘zini osib qo‘ygani haqida xabar tarqaldi. Holat yuzasidan Qashqadaryo viloyati prokuraturasi munosabat bildirdi.

Aniqlanishicha, 18-dekabr kuni Kasbi tumani tibbiyot birlashmasi tomonidan ichki ishlar bo‘limiga “Maymanoq” mahalla fuqarolar yig‘inida yashagan, 1999-yilda tug‘ilgan ayol bo‘yin sohasidan strangulyatsion egat shilinmasi ko‘rinishidagi jarohati bilan vafot etgani haqida xabar berilgan.

Marhumaning o‘lim sababiga aniqlik kiritish maqsadida tegishli ekspertizalar tayinlangan. Holat bo‘yicha Kasbi tumani prokuraturasi tomonidan tergovga qadar tekshiruv harakati olib borilmoqda. Tekshiruvning borishi viloyat prokuraturasi tomonidan nazoratga olingan.

Xabarlarda vafot etgan kelin homilador bo‘lgani, turmush o‘rtog‘i esa chetga ishlash uchun ketgani aytilgan.

Mavzuga doir:

• Prokuratura Yakkabog‘da o‘lik holda topilgan 45 yoshli erkak ishi bo‘yicha ma’lumot berdi
• Farg‘onada profilaktika inspektori o‘zini otib qo‘ydi
• Angrenda sobiq hokim yordamchisi o‘zini otib o‘ldirdi