O‘zbekistonda 250 ta uy-joy mulkdorlar shirkati tomonidan 20 mlrd so‘m talon-toroj qilingan

O‘zbekistonda 250 ta uy-joy mulkdorlar shirkati tomonidan 20 milliard so‘m mablag‘lar talon-toroj qilingan. Bu haqda AOKAda o‘tkazilgan brifingda Uy-joy fondi inspeksiyasi rahbari Azlar Sodiqov ma’lum qildi.

Uning qayd etilishicha, ko‘p kvartirali uylarga xizmat ko‘rsatuvchi jami 1000 ga yaqin boshqaruv organlari faoliyati o‘rganildi. O‘rganish natijalariga ko‘ra 250 ta uy-joy mulkdorlar shirkatlari tomonidan jami 20 milliard so‘m mablag‘larni talon-taroj yoki uy-joy mulkdorlariga zarar yetkazgani aniqlandi.

Shundan 50 ga yaqin shirkat rahbarlariga nisbatan jinoiy ishlar qo‘zg‘atilib, 700 million so‘mga yaqin mablag‘lar shirkatlar hisobiga qaytarilgan.

Shuningdek, ko‘p kvartirali uylar va ularga tegishli tutash hududlarda olib borilgan ta’mirlash-tiklash ishlari o‘rganilganda jami qiymati 14 milliard so‘m miqdorda 57 ta qonun buzilish holatlari aniqlangan.

Hozirda pudrat tashkilotlariga nisbatan jinoiy ishlar qo‘zg‘atilgan.

Mavzuga doir:

• Toshkentdagi ayrim shirkatlar kommunal to‘lovlar uchun undirilgan pullarni o‘zlashtirgani aniqlandi
• Yunusobodda kommunal to‘lovlar uchun undirilgan 237,2 mln so‘mni o‘zlashtirgan shirkat aniqlandi