Toshkent shahri Yunusobod tumanida kommunal to‘lovlar uchun undirilgan pullarni o‘zlashtirgan shirkat aniqlandi.
Bosh prokuratura huzuridagi departamentning Yunusobod tuman bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan.
Unda, “Z.K.” xususiy uy-joy mulkdorlari shirkati moddiy javobgar hududdagi xonadon egalaridan kommunal to‘lovlar uchun undirilgan jami 237,2 million so‘mni bank kassasiga kirim qilmasdan, o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)