Таниқли Голливуд актрисаси Жейн Фонда сентябрь ойида унга саратон ташхиси қўйилганини эълон қилган эди. Шундан кейин актриса кимётерапия курсини бошлади, орадан уч ой вақт ўтиб у саратон касаллигини енгганини маълум қилди.
«Туғилган кунимдаги энг яхши совға. Ўтган ҳафта онкологим менга саратон касаллигим ремиссияда эканини ва кимё терапиясини тўхтатишим мумкинлигини айтди. Ўзимни жуда бахтли ҳис қиляпман. Мени дуо қилиб, яхши тилаклар йўллаган барча мухлисларимга миннатдорчилик билдираман. Ишончим комилки, ролларимни ижро этаман.
Мен хурсандман, чунки биринчи тўртта кимё терапия мен учун жуда осон кечган бўлса-да (фақат бир неча кун чарчоқ), охирги кимётерапия муолажаси оғир бўлди ва икки ҳафта давом этди, бу мен учун жуда қийин бўлди», — деб ёзади Голливуд актрисаси ижтимоий тармоқлардаги саҳифасида.
Изоҳ (0)