Amerikaning kinoijodkorlari tomonidan suratga olingan “Uenzdey” seriali Netflix’da bir milliard soatdan ortiq tomosha qilingan loyihaga aylandi. Bunga bir oydan kamroq vaqt kerak bo‘ldi, serialning birinchi qismi 23-noyabrda taqdim etilgan edi.
Netflix’da yana ikkita: “Kalmar o‘yini” va “G‘alati narsalar” serialining to‘rtinchi mavsumi shunga o‘xshash raqamlarda tomosha qilingan. “Uenzdey”, shuningdek, “Monstr: Jeffri Damer hikoyasi” loyihasidan o‘zib ketdi va striming xizmati tarixidagi eng ko‘p tomosha qilingan ingliz tilidagi ikkinchi shouga aylandi.
“Uenzdey” seriali Addamslar oilasi, uning vakili Uenzdeyning qiziqarli hayoti haqida hikoya qiladi. Sujetga ko‘ra, bosh qahramon sirli Nevermor akademiyasiga o‘qishga boradi va u yerda bir qator qotilliklarni to‘xtatadi, ota-onasining qanday tanishgani haqidagi sirni bilishga harakat qiladi. Serialda bosh rollarni Jenna Ortega, Ketrin Zeta-Jons, Gvendolin Kristi va Kristina Richchi ijro etgan bo‘lib, bir nechta epizodlar rejissor Tim Barton tomonidan suratga olingan.
Shou yaqinda “Eng yaxshi komedik musiqiy shou” va “Eng yaxshi bosh roldagi aktrisa” nominatsiyasida “Oltin globus” mukofotining nomzodlar ro‘yxatiga kiritildi.
Izoh (0)