Turkiya janubi-sharqida yonidan politsiya mashinasi o‘tayotgan avtomobil portlab ketdi, deb xabar berdi mamlakat ichki ishlar vaziri Sulaymon Soylu Twitter’da. CNN Turk va NTV telekanallarining xabar berishicha, portlash oqibatida sakkiz nafar politsiyachi yaralangan.
Telekanal ma’lumotlariga ko‘ra, Diyarbakir-Mardin trassasidagi bozor yonida turgan mashina portlagan. Uning yaqinidan o‘tayotgan va ichida politsiya xodimlari bo‘lgan mikroavtobus ag‘darilib ketgan, jarohatlanganlar shifoxonaga yetkazilgan. Portlash sodir bo‘lgan joyga yong‘in-qutqaruv bo‘linmasi, shifokorlar guruhi va maxsus kuchlar jo‘nab ketgan. NTV’ning qayd etishicha, portlagan mashina minalangan bo‘lgan.
Turkiya ichki ishlar vaziri Sulaymon Soylu portlash ikki gumondor hibsga olinganini qo‘shimcha qildi.
Eslatib o‘tamiz, 13-noyabr kuni Istanbuldagi mashhur sayyohlar ko‘chasi Istiqlolda portlash sodir bo‘lgandi. Olti kishi halok bo‘ldi, kamida 81 kishi, jumladan, bir o‘zbekistonlik jarohat oldi. Istanbul Bosh prokuraturasi portlashni terakt sifatida baholadi. Hodisada gumonlanib 50 kishi qo‘lga olindi.
Izoh (0)