Turkiya janubi-sharqidagi Shanliurfa shahrining Akchakale tumanidagi turar joy binosining birinchi qavatida portlash yuz berdi, 6 kishi jarohat oldi. Bu haqda gubernatorlik bayonotiga tayanib, Sabah xabar berdi.
Tuman ma’muriyatining ma’lum qilishicha, portlash isitish qozoni tufayli sodir bo‘lgan. Hozirda tekshiruv davom etmoqda.
Nashr portlash turar joy binosining birinchi qavatidagi zargarlik do‘konida sodir bo‘lganini ma’lum qildi. Jarohatlanganlar do‘kon ustidagi kvartirada bo‘lgan, ular kasalxonaga yotqizilgan. Hodisa tufayli mahalladagi uchta do‘konga zarar yetgan. Portlash oqibatida sochilib ketgan qimmatbaho toshlar yig‘ilib, do‘kon egasiga topshirilgan.
13-noyabr kuni Istanbuldagi mashhur sayyohlar ko‘chasi Istiqlolda portlash sodir bo‘lgandi. Olti kishi halok bo‘ldi, kamida 81 kishi, jumladan, bir o‘zbekistonlik jarohat oldi. Istanbul Bosh prokuraturasi portlashni terakt sifatida baholadi. Hodisada gumonlanib 50 kishi qo‘lga olindi.
Izoh (0)