KXDR “yangi strategik qurol” uchun dvigatelni sinovdan muvaffaqiyatli o‘tkazdi

Shimoliy Koreya “yangi turdagi strategik qurol tizimi” uchun “katta tortish kuchiga ega qattiq yonilg‘ili dvigatel”ni muvaffaqiyatli ravishda sinovdan o‘tkazdi. Bu haqda Koreya Markaziy telegraf agentligi xabar bermoqda.

“Milliy mudofaa akademiyasi institutlaridan biri 15-dekabr kuni ertalab Soxe kosmodromida mamlakatda yagona bo‘lgan, 140 tonnalik tortish kuchiga ega qattiq yonilg‘ili dvigatelni  muvaffaqiyatli sinovdan o‘tkazdi”, — deyiladi xabarda.

Agentlik qayd etishicha, “muhim sinov” yangi turdagi strategik qurol tizimini ishlab chiqish uchun “ishonchli ilmiy-texnik kafolat” bilan ta’minlagan.

KMTA ma’lumotlariga ko‘ra, sinovga Shimoliy Koreya yetakchisi Kim Chen In rahbarlik qilgan. U “eng qisqa muddatlarda yangi turdagi yana bitta strategik qurol yaratilishi”ga umid bildirdi.

“Sinovlar natijalari ilmiy jihatdan va aniq qilib ko‘rsatdiki, barcha texnik ko‘rsatkichlar, shu jumladan, dvigatel tortish kuchi, solishtirma impulsi, o‘t olish tavsiflari, ishlash vaqti va boshqalar loyihadagi qiymatlarga mos keladi, shuningdek, uning ishonchliligi va xavfsizligi isbotlandi”, — deya xulosa qildi agentlik.