“Tolibon” va Pokiston harbiylari o‘rtasida 15-dekabr kuni Spinboldak—Chaman chegarasida to‘qnashuv yuz berdi. Bu haqda Hasht-e Subh Daily xabar berdi.
Qandahordagi manbalarga ko‘ra, tomonlar o‘rtasidagi urush “Tolibon” chegarada post o‘rnatmoqchi bo‘lganidan keyin boshlangan. Pokiston askarlari obyektning o‘rnatilishiga to‘sqinlik qilgan. Pokiston matbuoti “Tolibon” chegara kuchlari Chaman shahridagi tinch aholi punktini bir necha marta artilleriyadan o‘qqa tutganini xabar qilmoqda.
Oqibatda bir nafar tinch fuqaro halok bo‘lgan, 15 kishi esa yaralangan. Pokiston chegaraga hujumchi vertolyotlar yuborgan va Kobuldagi elchixona xodimlarini evakuatsiya qilgan.
Qandahordagi Spinboldak kasalxonasi rasmiylarining aytishicha, shu paytgacha ushbu mojarodan ikki yarador shifoxonaga yotqizilgan.
Eslatib o‘tamiz, 11-dekabrda ham “Tolibon” va Pokiston harbiylari o‘rtasida to‘qnashuv yuz bergandi. To‘qnashuv “Tolibon” chegara kuchlari Durand liniyasi yaqinida yangi post qurishni rejalashtirganidan keyin boshlangan.
To‘qnashuvda 5 kishi halok bo‘lgan, 20 kishi jarohatlangan. Pokistondagi bir qancha binolar vayron qilingan.
Mavzuga doir: Kobulda xitoyliklar bo‘lgan mehmonxonaga hujum qilindi (video)
Izoh (0)