“Tolibon” va Pokiston harbiylari o‘rtasida Spinboldak—Chaman chegarasida to‘qnashuv yuz berdi. Bu haqda TOLOnews xabar berdi.
To‘qnashuv “Tolibon” chegara kuchlari Durand liniyasi yaqinida yangi post qurishni rejalashtirganidan keyin boshlangan. Qandahor gubernatorligi to‘qnashuvlarda “Tolibon”ning bir a’zosi halok bo’lgani, 10 nafari esa yaralanganini ma‘lum qildi. Pokiston tomoni esa jangda bir askar jarohat olganini xabar qilmoqda.
O‘z navbatida, manbalar ushbu to‘qnashuvda olti kishi halok bo‘lgani va 25 kishi yaralanganini ta’kidlamoqda. Dastlabki hisobda yaralanganlar 20 kishini, o‘lganlar esa besh kishini tashkil qilgan. Chegaradadi vaziyat hozir normallashgan. Pokiston armiyasi vaziyatni nazorat qilish uchun chegara bo‘ylab og‘ir qo‘shinlarni joylashtirgan. Chegaradan savdo qilish va odamlarning harakatlanishi to‘xtatilgan.
Eslatib o‘tamiz, 15-noyabr kuni “Tolibon” kuchlari va Pokiston askarlari o‘rtasida to‘qnashuv bo‘lgandi. Bir necha soat davom etgan to‘qnashuvda qurbon yoki yaradorlar borligi e’lon qilinmagan. “Tolibon” chegara yaqiniga qo‘shimcha kuchlar yuborgan. 10-noyabr kuni Qandahorning Spin-boldak shahrida “Tolibon” kuchlari Pokiston harbiylari bilan to‘qnashgandi.
Izoh (0)