AQSH Senati davlat xodimlariga federal hukumat elektron qurilmalarida TikTok’dan foydalanishni taqiqlovchi qonun loyihasini bir ovozdan ma’qulladi, deb xabar bermoqda Reuters.
Endi qonun loyihasi Vakillar palatasida ovoz berishdan o‘tishi, undan so‘ng AQSH prezidenti Jo Bayden tomonidan imzolanishi kerak. Vakillar palatasi qonun loyihasini kelasi haftagacha ko‘rib chiqadi.
The Hill qayd etganidek, Senat ushbu qonun loyihasini qabul qilishidan avval TikTok Xitoy rasmiylariga ma’lumotlarni uzatayotgani haqidagi xavotirlar tufayli AQHning 13 shtatida undan hukumat qurilmalarida foydalanish cheklangan.
“TikTok — bu Xitoy Kommunistik partiyasining troya oti. Bu AQSH xavfsizligi uchun jiddiy tahdid. Ijtimoiy tarmoq Xitoy bilan aloqalarni butunlay uzmaguncha, hukumat qurilmalarida unga o‘rin yo‘q ”, — degan respublikachi senator Josh Xouli qonun loyihasini Senatga kiritar ekan.
TikTok Xitoyning ByteDance kompaniyasiga tegishli bo‘lib, kompaniya Xitoy rasmiylari bilan hamkorlikda ekani haqidagi shubhalar tufayli AQSHda unga nisbatan da’volar mavjud.
Mavzuga doir: AQSHda TikTok’ni taqiqlash taklif qilindi
Izoh (0)