Ijtimoiy tarmoqlarda Andijondagi zapravkalarning birida gaz quyish uchun kirayotgan haydovchilardan pul olinayotgani aks etgan video tarqaldi. Viloyat IIB holat yuzasidan ma’lumot berdi.
Qayd etilishicha, ushbu video yuzasidan Andijon viloyati, Oltinko‘l tumani IIB xodimlari tomonidan tezkor surishtiruv harakatlari olib borilib, holat “Sifatli metan gaz” MCHJ avtomobillarga gaz quyish shoxobchasida sodir bo‘lgani aniqlangan. Zapravkaga navbatsiz kiritayotgan ikki nafar shaxs shu tumanda yashovchi K.O‘ va S.O. ekani ma’lum bo‘lgan.
Ularga nisbatan Ma’muriy javobgarli to‘g‘risidagi kodeksning 183-moddasi (mayda bezorilik), 194-modda 1-qismi (Ichki ishlar organlari xodimining qonuniy talablarini bajarmaslik) hamda 200-moddalariga (o‘zboshimchalik) asosan hujjatlar rasmiylashtirilib, qonuniy tartibda ko‘rib chiqishlik uchun Jinoyat ishlari bo‘yicha Oltinko‘l tuman sudiga yuborilgan.
12-dekabr kuni Jinoyat ishlari bo‘yicha Oltinko‘l tuman sudi tomonidan K.O‘ va S.O.ga nisbatan 15 sutkadan ma’muriy qamoq jazosi tayinlangan.
Izoh (1)
Assalom alaykum! Bu postni ko‘rib to‘g‘risi hayron qoldim. Nega bilaszlarmi? Chunki, bu
voqea birinchisi emasda. Men Farg‘ona viloyati Bag‘dod tumanida yashayman. Har bir zaprafkalarda ana shunday holat, shaxsan men o‘zim matizga gaz quyish uchun bordim.Matizimga 27 ming somlik gaz quyaman.Navbatda turmay kirish uchun 30 ming som to‘lab kirdim.Navbatsiz kirish quyadigan gazimdan qimmat ekan, navbat bilan kiradigan joyni berkitib qo‘yib, navbatsiz tomondan kirgazyapti.Navbatsiz degani bilan u joyda ham 100 lab mashinalar navbatda turibdi .30 ming emas 20 ming som beraylik desak uzul kesil iloji yoq ekan.
Vodiyda shaffof degan zaprafkalar egallab olgan hurmatli prezidentimizni farg‘onalik kelinlariga qarashli zaprafkalarda shunaqangi poraxo‘rlik ,eng achinarlisi ,nima bilasizmi ? u yerda militsiya hodimlari ,ucastka noziri ,IIB xodimlari bor edi .ular qo‘llab quvvatlab boshqarishib turibdi, yana bir fakt: navbatsiz kirish uchun kechasi soat 1:00 da borish kerak, bo‘lmasa yopilib qoladi.
O‘zbekiston go‘zal go‘shadir,
Zaprafkalar o‘sha qo‘shadi.