Ижтимоий тармоқларда Андижондаги заправкаларнинг бирида газ қуйиш учун кираётган ҳайдовчилардан пул олинаётгани акс этган видео тарқалди. Вилоят ИИБ ҳолат юзасидан маълумот берди.
Қайд этилишича, ушбу видео юзасидан Андижон вилояти, Олтинкўл тумани ИИБ ходимлари томонидан тезкор суриштирув ҳаракатлари олиб борилиб, ҳолат «Сифатли метан газ» МЧЖ автомобилларга газ қуйиш шохобчасида содир бўлгани аниқланган. Заправкага навбатсиз киритаётган икки нафар шахс шу туманда яшовчи К.Ў ва С.О. экани маълум бўлган.
Уларга нисбатан Маъмурий жавобгарли тўғрисидаги кодекснинг 183-моддаси (майда безорилик), 194-модда 1-қисми (Ички ишлар органлари ходимининг қонуний талабларини бажармаслик) ҳамда 200-моддаларига (ўзбошимчалик) асосан ҳужжатлар расмийлаштирилиб, қонуний тартибда кўриб чиқишлик учун Жиноят ишлари бўйича Олтинкўл туман судига юборилган.
12 декабрь куни Жиноят ишлари бўйича Олтинкўл туман суди томонидан К.Ў ва С.О.га нисбатан 15 суткадан маъмурий қамоқ жазоси тайинланган.
Изоҳ (1)
Assalom alaykum! Bu postni ko‘rib to‘g‘risi hayron qoldim. Nega bilaszlarmi? Chunki, bu
voqea birinchisi emasda. Men Farg‘ona viloyati Bag‘dod tumanida yashayman. Har bir zaprafkalarda ana shunday holat, shaxsan men o‘zim matizga gaz quyish uchun bordim.Matizimga 27 ming somlik gaz quyaman.Navbatda turmay kirish uchun 30 ming som to‘lab kirdim.Navbatsiz kirish quyadigan gazimdan qimmat ekan, navbat bilan kiradigan joyni berkitib qo‘yib, navbatsiz tomondan kirgazyapti.Navbatsiz degani bilan u joyda ham 100 lab mashinalar navbatda turibdi .30 ming emas 20 ming som beraylik desak uzul kesil iloji yoq ekan.
Vodiyda shaffof degan zaprafkalar egallab olgan hurmatli prezidentimizni farg‘onalik kelinlariga qarashli zaprafkalarda shunaqangi poraxo‘rlik ,eng achinarlisi ,nima bilasizmi ? u yerda militsiya hodimlari ,ucastka noziri ,IIB xodimlari bor edi .ular qo‘llab quvvatlab boshqarishib turibdi, yana bir fakt: navbatsiz kirish uchun kechasi soat 1:00 da borish kerak, bo‘lmasa yopilib qoladi.
O‘zbekiston go‘zal go‘shadir,
Zaprafkalar o‘sha qo‘shadi.