13-dekabrdan Twitter ijtimoiy tarmog‘ida akkauntlarga verifikatsiya belgisini (ko‘k “galochka”) olish imkonini beruvchi Twitter Blue obunasining sotuvi qayta boshlandi.
Biz qaytdik! Endi internetda Twitter Blue oyiga 8 dollar, iOS’da esa 11 dollar evaziga mavjud. Biz ba’zi yangilanishlarni amalga oshirdik, — deyiladi Twitter Blue postida.
Twitter Blue foydalanuvchilarining o‘z akkauntiga tegishli telefon raqami biriktirilgan bo‘lsa, “shaxsga taqlid qilinayotganini aniqlash va oldini olish uchun bir qator boshqa choralar” ko‘rish imkoniyatlari taqdim etiladi.
Foydalanuvchi nomi yoki fotosuratini o‘zgartirgan foydalanuvchilar “bu o‘zgarishlar Twitter tomonidan ko‘rib chiqilmaguncha” verifikatsiya belgisini ham yo‘qotadi.
Qoidalarimizni buzayotgan foydalanuvchilarga to‘lovlar qaytarilmaydi, bunday holda ularning hisoblari to‘xtatilishi mumkin, — deyiladi tvitda.
Avvalroq Twitter verifikatsiya belgilarini soxta akkauntlar sotib ola boshlagani, shu sababli ijtimoiy tarmoq ularni sotishdan voz kechgani haqida xabar berilgandi.
Mavzuga doir: “Twitter’da tasdiqlash belgilari turli xil ranglarda bo‘ladi” — Ilon Mask
Izoh (0)