Toshkent shahar, Yangi hayot tumani, Tursunzoda ko‘chasidagi mebel ishlab chiqarish sexi kimoshdi savdosiga qo‘yildi. Ma’lumotlar E-auksion portalida e’lon qilingan.
Lot auksionga iqtisodiy sudlar hukmi bilan Yunusobod tuman MIB tomonidan joylashtirilgan.
Binoning yer maydoni 8 gektarni tashkil qiladi. Binoning umumiy maydoni — 6 404 kvadrat metr.
Unda gaz va elektr energiyasi ta’minoti mavjud bo‘lsa-da, suv va kanalizatsiya tizimi yo‘lga qo‘yilmagan.
2 qavatli mebel ishlab chiqarish sexining binosi 2021-yilda qurilgan bo‘lib 26 ta xonadan iborat.
Auksionga qo‘yilgan binoning boshlang‘ich bahosi — 63,9 mlrd so‘m. Arizalar 2023-yil 9-yanvar 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent viloyatidagi oromgoh 5 mlrd so‘mga sotilgani haqida xabar berilgandi.
Izoh (0)