13 декабрдан Twitter ижтимоий тармоғида аккаунтларга верификация белгисини (кўк «галочка») олиш имконини берувчи Twitter Blue обунасининг сотуви қайта бошланди.
Биз қайтдик! Энди интернетда Twitter Blue ойига 8 доллар, iOS’да эса 11 доллар эвазига мавжуд. Биз баъзи янгиланишларни амалга оширдик, — дейилади Twitter Blue постида.
Twitter Blue фойдаланувчиларининг ўз аккаунтига тегишли телефон рақами бириктирилган бўлса, «шахсга тақлид қилинаётганини аниқлаш ва олдини олиш учун бир қатор бошқа чоралар» кўриш имкониятлари тақдим этилади.
Фойдаланувчи номи ёки фотосуратини ўзгартирган фойдаланувчилар «бу ўзгаришлар Twitter томонидан кўриб чиқилмагунча» верификация белгисини ҳам йўқотади.
Қоидаларимизни бузаётган фойдаланувчиларга тўловлар қайтарилмайди, бундай ҳолда уларнинг ҳисоблари тўхтатилиши мумкин, — дейилади твитда.
Аввалроқ Twitter верификация белгиларини сохта аккаунтлар сотиб ола бошлагани, шу сабабли ижтимоий тармоқ уларни сотишдан воз кечгани ҳақида хабар берилганди.
Мавзуга доир: «Twitter’да тасдиқлаш белгилари турли хил рангларда бўлади» — Илон Маск
Изоҳ (0)