Samarqandda mast holdagi haydovchi YPX xodimlarining qonuniy talabini bajarmasdan, qochishga urindi. Bu haqda viloyat ichki ishlar boshqarmasi axborot xizmati xabar berdi.
Aniqlanishicha, 12-dekabr kuni Samarqand shahri hududidan o‘tuvchi M-37 avtomobil yo‘lining 6-kilometrida YPX xodimi tomonidan Cobalt haydovchisiga to‘xtash haqidagi ishora ko‘rsatilgan. Ammo haydovchi ishoraga rioya qilmasdan, harakatda davom etgan.
Xodimlar patrul avtomobili bilan haydovchining ortidan kuzatib borgan. “Qorasuv massivi”da haydovchini to‘xtatish choralari ko‘rilgan. Mazkur jarayonda haydovchi tomonidan xodimlarga qarshilik ko‘rsatish holati atrofdagi fuqarolar tomonidan tasvirga olingan.
Alkotester moslamasi bilan tekshiruv o‘tkazilganda haydovchi — 1988-yilda tug‘ilgan O.R. mastlik holatidaligi aniqlangan. Haydovchiga nisbatan belgilangan tartibda ma’muriy bayonnoma rasmiylashtirilib, uning boshqaruvida bo‘lgan transport vositasi vaqtincha saqlash uchun jarima maydoniga joylashtirilgan.
Mavzuga doir:
Izoh (0)