“Mamlakatdagi “svet”, gaz muammolarini juda yaxshi bilaman” — prezident

Prezident Shavkat Mirziyoyev ayni vaqtda Uchtepa tumani faollari bilan yig‘ilish o‘tkazmoqda. Bu haqda “Daryo” muxbiri xabar bermoqda.

Davlat rahbari o‘zi ham oddiy mahallada yashashini aytdi.

“Bizda ham mahalla raisi bor. Har safar ko‘rishib qolsak “Rais bobo, ishlar yaxshimi, bizga savollar yo‘qmi”, deb so‘rayman”, — dedi prezident.

Shavkat Mirziyoyev Toshkentdagi hamma muammolarni shaxsan o‘zi kuzatib borishini ta’kidladi.

“Svet, gaz muammolarini yaxshi bilaman. Toshkent shahrida svet-gaz muammosi bo‘lmasligi kerak. Hammasi yetarli darajada ajratilgan. Faqat o‘z o‘rnida ishlatishni bilish kerak”, — dedi prezident.

Shavkat Mirziyoyev bugun borgan qozonxonaga yarim tumanning “svet”i ketishini aytdi.