“O‘zbekneftgaz” AJ boshqaruvi raisi Mehriddin Abdullayev boshchiligidagi ishchi guruh kuz-qish mavsumida olib borilayotgan ishlar va sintetik yoqilg‘i mahsulotlarni ishlab chiqarish, berilayotgan gaj hajmi kamaytirilishi bo‘yicha tashkillashtirilayotgan ishlar holatini o‘rganish maqsadida “Uzbekistan GTL” zavodida bo‘ldi.
2022—2023 kuz-qish mavsumi davomida respublikada aholi va ijtimoiy soha obyektlarida tabiiy gaz iste’moli oshishi hisobiga GTL zavodiga berilayotgan gaz hajmini 50 foizga kamaytirligani sababli qurilmalarning barqaror va xavfsiz ishlashini ta’minlash, ishlab chiqarish hajmi kamaytirilishi aholining sintetik dizel mahsulotlariga bo‘lgan talab hamda ehtiyojlariga salbiy ta’sir qilmasligi yuzasidan zaruriy topshiriqlar berildi.
Qo‘shimcha ravishda, “Uzbekistan GTL” zavodida bug‘ generatorlari orqali elektr energiyasi ishlab chiqarilishi va zavod avtomonom elektr energiya ta’minotida ekspluatatsiya qilinishini inobatga olib, ishlab chiqarish jarayonida foydalanishidan ortib qoladigan elektr energiyasi “O‘zbekiston milliy elektr tarmoqlari” AJ tizimiga uzatish ko‘rsatkichlari ko‘paytirish yuzasidan topshiriqlar berildi.
Tashrif mobaynida “Uzbekistan GTL” zavodining asosiy ishlab chiqarish qurilmalarida amalga oshirilayotgan ishlar hamda qurilmalarning bugungi holati, ishlab chiqarish hajmi kamaytirilishi jarayonlarida amalga oshirilishi ko‘zda ishlarning joriy holati o‘rganildi. Qurilmalarda ekspluatatsiya davrini uzaytirish uchun o‘rganishlar olib borish va qurilmalarda faoliyat yuratayotgan xodimlarni doimiy ravishda bilim va malakalarini oshirib borishga qaratilgan ko‘rsatmalar berildi.
Boshqaruv raisi tomonidan “Uzbekistan GTL” zavodida bugungi kunga qadar umumiy hisobda 200 ming tonnadan ortiq sintetik yoqilg‘i mahsulotlari ishlab chiqarilganini va uzluksiz ravishda O‘zbekiston tovar-xom ashyo birjasi savdosi platformasi orqali realizatsiya qilinayotgani hamda iste’molchilarga yetkazib berilayotgani e’tirof etdi.
Tashrif yakunida “Uzbekistan GTL” zavodining ishchilar shaharchasida kompaniyaning xodimlariga yashash, mehnat faoliyatlari va dam olish uchun yaratib berilgan sharoitlari bilan tanishib chiqildi. Zavodda yiliga qiymati 1 milliard dollardan ziyod bo‘lgan 1,5 million tonna tayyor suyuq mahsulotlar ishlab chiqariladi. Jumladan, 307 ming tonna aviakerosin, 724 ming tonna dizel yoqilg‘isi, 437 ming tonna nafta, 53 ming tonna suyultirilgan gaz tayyorlanadi.
“O‘zbekneftgaz” AJ matbuot xizmati
Izoh (0)