Farg‘ona viloyatida olmaxonlarni noqonuniy olib kirishga bo‘lgan urinish fosh qilindi. Bu haqda Davlat bojxona qo‘mitasi axborot xizmati xabar berdi.
Qayd etilishicha, Farg‘ona tumanida aniqlangan holatda chegaradosh mahallalardan birida shubha ostiga olingan shaxsga tegishli 2 ta yog‘och yashik bojxonachilar va DXX Chegara qo‘shinlari harbiy xizmatchilari bilan hamkorlikda ko‘zdan kechirilgan.
Natijada maxsus yasalgan va bo‘lmalarga ajratilgan yashiklarda qo‘shni davlatdan noqonuniy ravishda olib kirilgan va tegishli hujjatlari bo‘lmagan 32 bosh olmaxon borligi aniqlangan. Shuningdek, ularning ikkitasi qoniqarsiz sharoitdan nobud ham bo‘lgan.
Qiymati dastlabki hisob-kitoblarga ko‘ra 30 million so‘mga baholangan ushbu jonivorlar Farg‘ona hayvonot bog‘iga topshirildi. Hozirda holat yuzasidan bojxona organlari tomonidan surishtiruv harakatlari davom ettirilmoqda.
Mavzuga doir:
- Toshkentdagi aeroportda ayol timsoh bolasi, iguana va pitonlarni noqonuniy olib kirishga urindi (video)
- Toshkent hayvonot bog‘i aeroportda olib qo‘yilgan reptiliyalar ahvoli haqida ma’lumot berdi
- Toshkent hayvonot bog‘i brakonyerlardan olib qo‘yilgan 57 ta Nil timsohining ahvoli bo‘yicha ma’lumot berdi (foto)
- Toshkent xalqaro aeroportida noqonuniy olib o‘tilgan timsoh va buqalamun bolalarining 7 tasi nobud bo‘ldi
Izoh (0)