Ijtimoiy tarmoqlarda profilaktika inspektorining qonuniy talabini bajarmayotgan fuqaroga kuch ishlatayotgani tasvirlangan lavha tarqaldi. Qashqadaryo viloyati ichki ishlar boshqarmasi axborot xizmati holat yuzasidan munosabat bildirdi.
Ma’lum qilinishicha, Chiroqchi tumani IIB profilaktika inspektori U.Muhammadiyev tumanda joylashgan 105-maktabda bog‘bon bo‘lib ishlovchi 1962-yilda tug‘ilgan fuqaro B.Q.ga ilgari unga nisbatan Ma’muriy javobgarlik to‘g‘risidagi kodeksning 40-moddasi (tuhmat) bilan yuritilgan profilaktik yig‘ma jildi bilan tanishishni so‘ragan.
Javoban fuqaro B.Q. yig‘ma jild bilan tanishishdan bosh tortib, profilaktika inspektorining IIB binosiga borish bo‘yicha qonuniy talabini bajarmagan va qarshilik ko‘rsatgan. Videolavhada aynan shu jarayon tasvirlangan.
Holat yuzasidan fuqaro B.Q.ga nisbatan Ma’muriy javobgarlik to‘g‘risidagi kodeksning 194-moddasi (ichki ishlar organlari xodimining qonuniy talablarini bajarmaslik) bilan hujjatlar rasmiylashtirilib, sud organlari tomonidan bazaviy hisoblash miqdorining bir baravarida (300 ming so‘m) jarima qo‘llangan. Profilaktika inspektori U.Muhammadiyevning harakatlari esa IIV Shaxsiy xavfsizlik xizmati viloyat boshqarmasi tomonidan o‘rganilib, qonuniy deb topilgan.
Mavzuga doir:
Izoh (1)
НИМАГА БИЗАДА НИМА ГАПЛИГИНИ БИЛМАСДАН ДАРРОВ ВИДЕОГА ОЛИБ ТАРҚАТВОРИШАДИ ШУ ИЛОЖИ БОРИЧА МИЛИТЦИЯ ХОДИМЛАРИНИ ҚОРАЛАШСА ХУДО АСРАСИН ЎША ВИДЕОГА ОГАНЛАНИ БОШИГА БИРОР КУЛФАТ ТУШСА ЁТВОЛИБ ЯЛИНИШАДИ ШУ ЕПХ ХОДИМИЯМ ЎЗИДАН ЎЗИ МАЖБУРЛАМАГАНДУР АХИР