Bugun,

  • USD 11095.31
  • RUB 173.84
  • EUR 10772.44

Toshkent xalqaro aeroportida 57 dona timsoh bolalari hamda 10 dona buqalamunlarni noqonuniy ravishda olib kirishga bo‘lgan urinishlarni fosh qilinib, ular vaqtincha saqlash uchun hayvonot bog‘iga topshirilgandi. Davlat bojxona qo‘mitasi ularning bir qismi nobud bo‘lganini ma’lum qildi.

Foto: Davlat bojxona qo‘mitasi matbuot xizmati

Foto: Davlat bojxona qo‘mitasi matbuot xizmati

Qo‘mita matbuot xizmatining bildirishicha, ushlab qolingan timsoh bolalari begona qo‘llarga chiqib ketganligi yuzasidan ijtimoiy tarmoqlarda shubha-gumonlar yuzaga kelgani tufayli Toshkent hayvonot bog‘ida bo‘lib, jonivorlarning hozirgi holati bilan qiziqdi.

Ma’lum bo‘lishicha, timsohchalar hayvonot bog‘i ekspozitsiyasida tashrif buyuruvchilar e’tiboriga havola qilinmoqda. Yovvoyi tabiatdan ajratib olinganligi sababli timsoh bolalarining barchasi ham birdek xonaki sharoitga moslashganicha yo‘q. Ularning ayrimlari mustaqil ravishda oziqlana olmayapti.

Shuningdek, hamon maxsus karantinda saqlanayotgan buqalamunlarning ahvolini ham yaxshi deb bo‘lmaydi. Ular qutida mevalar orasida olib kelinganligi sababli parvoz vaqtida mevalar ichida siqilib qolib, jiddiy shikast yegan.

Natijada, hozirga kelib 1 bosh timsohcha va 6 bosh buqalamun nobud bo‘lgan. Hozirda ular utilizatsiyaga qadar maxsus muzlatkichda saqlanmoqda.

Foto: Davlat bojxona qo‘mitasi matbuot xizmati

Foto: Davlat bojxona qo‘mitasi matbuot xizmati

Foto: Davlat bojxona qo‘mitasi matbuot xizmati

Foto: Davlat bojxona qo‘mitasi matbuot xizmati

O‘zbekiston faunasida Nil timsohlari va Yaman buqalamunlari uchramasligi sababli ular mamlakat Qizil kitobida uchramaydi. Ammo, Xalqaro qizil kitobga kiritilgani sababli ham yo‘q bo‘lib ketish xavfi ostidagi yovvoyi fauna va flora turlari bilan Xalqaro savdo qilish konvensiyasiga muvofiq ushbu jonzotlarni respublikaga olib kirishda CITES maxsus ruxsatnomasi talab etiladi. O‘zbekiston Ekologiya va atrof-muhitni muhofaza qilish davlat qo‘mitasidan olingan ma’lumotlarga ko‘ra, bunday ruxsatnoma olish uchun murojaat kelib tushmagan.

Jonivorlarning keyingi taqdiri sud hukmiga binoan hal bo‘ladi. Holat yuzasidan bojxona organlari tomonidan Jinoyat kodeksining bir nechta moddalari bilan jinoyat ishi qo‘zg‘atilgan.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)