Bugun,

  • USD 11095.31
  • RUB 173.84
  • EUR 10772.44

Toshkent xalqaro aeroportida fuqaro timsoh bolasi, 3 bosh iguana va 3 bosh ilonni noqonuniy olib kirishga urindi. Bu haqda Davlat bojxona qo‘mitasi axborot xizmati xabar berdi.

Foto: Davlat bojxona qo‘mitasi

Foto: Davlat bojxona qo‘mitasi

Ma’lum qilinishicha, 16-noyabr kuni Toshkent xalqaro aeroportida bojxona xodimlari Misrdan uchib kelgan yo‘lovchilarni bojxona nazoratidan o‘tkazish davomida “yashil” yo‘lak orqali harakatlangan ayolning bezovtalanishi va shubhali xatti-harakatlariga e’tibor qaratgan.

Foto: Davlat bojxona qo‘mitasi

Foto: Davlat bojxona qo‘mitasi

Unga tegishli bagaj nazorat-rentgen uskunasi hamda endoskop orqali ko‘zdan kechirilganida yuklar orasidagi 2 ta shirinlik qutisining ekranlardagi tasviri shubhalarni tasdiqlagan.

Qutilarda yovvoyi hayvonlar bor degan taxmin ilgari surilgan. Hayvonlarga ozor berib qo‘ymaslik va bojxona xodimlarining hayotiy xavfsizligini ta’minlash maqsadida aeroportga Ekologiya va atrof-muhitni muhofaza qilish davlat qo‘mitasi va Toshkent hayvonot bog‘i vakillari taklif etilib, ular tomonidan qutilar ochilgan. Natijada birinchi quti ichida og‘zi boylangan 1 bosh Nil timsohi bolasi va 3 bosh iguana, ikkinchi qutida esa to‘rsimon, yo‘lbars va xondra zotiga mansub 3 bosh piton bolalari borligi aniqlandi.

Foto: Davlat bojxona qo‘mitasi

Foto: Davlat bojxona qo‘mitasi

Jonivorlarni olib o‘tishga uringan shaxs buni birovning iltimosiga binoan ma’lum bir haq evaziga olib o‘tayotganini ma’lum qildi.

Foto: Davlat bojxona qo‘mitasi

Foto: Davlat bojxona qo‘mitasi

Foto: Davlat bojxona qo‘mitasi

Foto: Davlat bojxona qo‘mitasi

Jonivorlar zudlik bilan Toshkent hayvonot bog‘iga keltirildi. Dastlab jonivorlar vazni, uzunligiga doir ma’lumotlar qayd etildi. Ularning holati ko‘zdan kechirildi. Issiq iqlim sharoitlariga moslashgan jonivorlar samolyotning harorat past darajada bo‘ladigan yukxonasida va o‘ta zich joylashgan qutilar ichida keltirilgani sababli ahvoli qoniqarsiz deb baholandi. Ilonlar va iguanalardan ayrimlarining tanalari zamburug‘lar bilan kasallangan. Jonivorlar hozirda karantinda, mutaxassislarning doimiy nazorati va parvarishi ostida saqlanmoqda.

Mazkur holatda olib qo‘yilgan noyob jonivorlarning bahosi dastlabki hisob-kitoblarga qaraganda taxminan 77 million so‘mdan oshmoqda. Hozirda ushbu holat yuzasidan tergovga qadar tekshiruv harakatlari davom ettirilmoqda.

Bizdagi qo‘shimcha ma’lumotlarga ko‘ra, hayvonlarning ahvoli qoniqarli holatda emas, — deb yozadi Telegram’dagi Ekologuz kanali.
Amaldagi tartiblarga binoan, yovvoyi hayvonlarni O‘zbekistonga olib kirish ekologiya va atrof-muhitni muhofaza qilish organlari beradigan ruxsatnomalar asosida amalga oshiriladi. O‘zbekistonga g‘ayriqonuniy ravishda olib kirishga urinish chog‘ida ushlab qolingan yovvoyi hayvonlar esa belgilangan tartibda olib qo‘yiladi.

Mavzuga doir:

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov