Afg‘onistonning Kobul shahridagi masjidda bir oilaning besh a’zosi otib o‘ldirildi. Bu haqda Aamaj news xabar berdi.
Ma’lum qilinishicha, hodisa 23-noyabr kuni yuz bergan. “Tolibon” harakatining Kobuldagi politsiya shtab-kvartirasi matbuot kotibi Xolid Zadaran qurollangan shaxs otishmasida biri kishi yaralanganini aytgan.
Dastlabki tergovga ko‘ra, qotillikka shaxsiy adovat sabab bo‘lgan. “Tolibon” xavfsizlik kuchlari jinoyatchini hibsga olish ishlarini olib bormoqda. Mahalliy manbalar qurolli hujum ertalab namoz vaqtida sodir bo‘lganini xabar qilgan.
23-sentabr kuni Kobuldagi masjidda juma namozi chog‘ida portlash yuz bergandi. Portlash shaharning diplomatik dahasida yuz bergan, shundan keyin ko‘p o‘tmay osmonga quyuq tutun ko‘tarilib, o‘q tovushlari eshitilgandi.
Izoh (0)