Ukraina prezidenti Vladimir Zelenskiy Yevroparlament Rossiyani “terrorizm homiysi” deb e’lon qilganiga va Rossiyadan 23-noyabr kuni 67 ta raketa uchirilganiga munosabat bildirdi.
“Bugun (23-noyabr) Yevroparlament Rossiyani terrorchi davlat deb tan oldi. Nihoyat, barcha yevropalik parlamentariylarga rahmat. Keyin esa Rossiya bizning infratuzilmamizga, energiyamizga, oddiy odamlarga 67 ta raketa uchirish orqali bularning barchasi haqiqat ekanini isbotladi. Oqibati ayanchli, jumladan yaradorlar ko‘p, o‘lganlar bor”, — dedi Ukraina prezidenti.
Ukrainaning qator viloyatlari va Kiyev shahri raketa zarbalariga uchragach, Xarkov, Chernigov va Xmelniskiy viloyatining katta qismi elektrdan uzildi. Energetika vazirligi ma’lumotiga ko‘ra, Ukrainadagi barcha atom elektr stansiyalari, issiqlik elektr stansiyalari va gidroelektr stansiyalari ham qisman quvvatsizlangan.
Ukraina Qurolli kuchlari Bosh shtabi mamlakatga Kh-101, X-555 va Kalibr rusumli 70 ta qanotli raketa uchirilgani, ulardan 51 tasini Ukraina havo hujumidan mudofaa tizimlari urib tushirganini ma’lum qildi.
“Raketa uchirish Rostov viloyati va Kaspiy dengizidan 10 ta “Tu-95” raketa tashuvchi samolyotlardan, shuningdek, Qora dengizdagi ikkita kichik raketa kemasidan amalga oshirildi”, — deyiladi xabarda.
Mavzuga doir:
Izoh (1)
Иккиюзламачиликнинг энг юкори чуккиси, Исроил Фластинни 70 йилдан бери террор килиб, ерларини эгаллаб олаяпти. Хеч ким бу давлатни террорчи давлат деб тан олмайди. Чунки иккиюзламачи, худди айрим ОАВ ларга ухшаб.