Armanistonda 23-noyabr kuni bo‘lib o‘tgan KXSHT sammitida tashkilotning yangi bosh kotibi ma’lum bo‘ldi. Bu haqda “RIA Novosti” xabar berdi.
Ma‘lum qilinishicha, tashkilotning amaldagi bosh kotibi Stanislav Zas 2023-yil lavozimidan ketadi. Uning o‘rniga bu lavozimni qozog‘istonlik siyosatchi Imangali Tasmagambetov egallaydi.
“Stanislav Zas KXSHT bosh kotibi sifatidagi uch yillik faoliyatini yakunlamoqda. Men unga qilgan ishi uchun rahmat aytmoqchiman. 2023-yil boshidan KXSHT bosh kotibi vazifasini Qozog‘iston vakili Imangali Tasmagambetov bajaradi”, — deydi Armaniston bosh vaziri Nikol Pashinyan.
Ta’kidlanishicha, Tasmagambetov turli yillarda Qozog‘iston bosh vaziri, Ostona va Olmaota shaharlari hokimi bo‘lgan. 2017 va 2019-yillarda u Qozog‘istonning Rossiyadagi elchisi bo‘lgan va bugungi kunda Rossiyaning “KamAZ” avtomobil korporatsiyasi direktorlar kengashi a'zosi hisoblanadi.
Izoh (0)