Kiyev va Ukrainaning qator viloyatlaridagi muhim infratuzilmalarga uchirilgan raketalar tufayli Moldova elektr ta’minotida uzildi. Mamlakat infratuzilma va mintaqaviy rivojlanish vaziri, bosh vazir o‘rinbosari Andrey Spinu bu bo‘yicha ma’lumot berdi.
Hurmatli fuqarolar, bugun bizda 15-noyabrdagi vaziyat takrorlanmoqda. Rossiyaning so‘nggi bir soat ichida Ukraina energetika tizimini bombardimon qilganidan so‘ng, butun mamlakat bo‘ylab elektr ta’minotida katta uzilishlar kuzatilmoqda, — dedi u.Moldova prezidenti Mayya Sandu ham mamlakatdagi elektr ta’minoti bilan bog‘liq muammolarga munosabat bildirdi.
Rossiya Moldovani zulmatda qoldirdi. Ukrainaga raketa zarbalari hozir ham davom etmoqda. Odamlar vayronalar ostidan yaradorlarini chiqarib olmoqda va ular o‘lgan yaqinlariga motam tutmoqda. Odamlarning hayotini ortga qaytarib bo‘lmaydi. Lekin elektr ta’minotini tiklash mumkin, — deya ta‘kidladi prezident.Siyosatchi Moldova barcha texnik muammolarni albatta hal qilishini va mamlakatda yana elektr ta’minlanishini aytdi.
“Hozir qanchalik qiyin bo‘lmasin, Moldova erkin dunyo sari qolishi kerak”, — deya xulosa qildi prezident.
Mahalliy ommaviy axborot vositalariga ko‘ra, hozirda Moldovaning qator shaharlarida elektr ta‘minoti tiklandi. Moldova Tashqi ishlar vazirligi mamlakatdagi elektr ta’minotidagi uzilish tufayli Rossiya elchisini chaqirtirdi.
Izoh (0)