AQSHning Tennessi shtatida 30 yil davomida muzlatilgan embrionlardan ikki egizak dunyoga keldi. Bu haqda BBC xabar berdi.
1200 dan ortiq embrion chaqaloqlarni dunyoga keltirishda yordam berganini da’vo qilgan National Embyro Donation Center (NEDC, Milliy embrion donor markazi) xususiy tashkilotiga ko‘ra, mazkur tug‘ilish yangi rekord o‘rnatishi mumkin.
Avvalgi rekord Molli Gibsonga tegishli bo‘lib, uning farzandi 2020-yilda 27 yil davomida muzlatilgan embriondan tug‘ilgan.
“Ushbu embrionlarni qabul qilish to‘g‘risidagi qaror 5, 10 yoki 20 yil davomida muzlatilgan embrionlardan farzand dunyoga keltirishni xohlaydigan bemorlarga ishonch bag‘ishlashi kerak”, — deydi embrion transferini amalga oshirgan doktor Jon Devid Gordon.
Egizak embrionlar 1990-yillarning boshida sun’iy urug‘lantirish yo‘li bilan yaratilgan. 2007-yilgacha ular AQSHning G‘arbiy sohilidagi laboratoriyasida saqlangan, shundan so‘ng er-xotin ularni boshqa oila foydalanishi uchun Tennessi shtatidagi NEDC’ga bergan.
NEDC bayonotiga ko‘ra, markaz sog‘lom bolalar tug‘ilishi haqidagi xabar boshqa potensial ota-onalarni embriondan tug‘ilgan bolalarni o‘zlari uchun asrab olish baxtini his qilishga undaydi. Egizaklar tug'ilganda, Rijvey juftligining bir yoshdan sakkiz yoshgacha bo‘lgan to‘rtta farzandi bor edi va ularning barchasi tabiiy ravishda, donorlarsiz yoki sun‘iy urug‘lantirishsiz dunyoga kelgan.
“Egizak Lidi va Timoti (chaqaloqlar ismi) qaysidir ma’noda oilada eng kichik bo‘lsa ham, bizning eng katta farzandlarimiz hisoblanadi”, — deydi chaqaloqlar otasi.
NEDC ma’lumotlariga ko‘ra, muzlatilgan embrionlarni saqlash uchun vaqt chegarasi yo‘q. Ammo 100 yil oldin embrioning bir kun kelib tug‘ilish ehtimoli yuqori bo‘lmaydi. Chunki bu texnologiya nisbatan yaqinda paydo bo‘lgan. Muzlatilgan embriondan birinchi bola Avstraliyada 1984-yilda dunyoga kelgan.
Mavzuga doir:
Izoh (0)