АҚШнинг Теннесси штатида 30 йил давомида музлатилган эмбрионлардан икки эгизак дунёга келди. Бу ҳақда BBC хабар берди.
Маълум қилинишича, бу музлатилган эмбрионлар дунёга келиши кутилган тарихдаги энг узоқ давр саналади. Эмбрионлар 1992 йил 22 апрелдан бери суюқ азотда, 128 даража совуқ ҳароратда сақланган. Шундан сўнг улар эритилиб, 31 октябрь куни эгизакларни муваффақиятли дунёга келтирган аёл Рейчел Риджуэйга кўчириб ўтказилган. «Сиз ақлдан озишингиз мумкин», — дейди эгизакларнинг отаси.
1200 дан ортиқ эмбрион чақалоқларни дунёга келтиришда ёрдам берганини даъво қилган National Embyro Donation Center (NEDC, Миллий эмбрион донор маркази) хусусий ташкилотига кўра, мазкур туғилиш янги рекорд ўрнатиши мумкин.
Аввалги рекорд Молли Гибсонга тегишли бўлиб, унинг фарзанди 2020 йилда 27 йил давомида музлатилган эмбриондан туғилган.
«Ушбу эмбрионларни қабул қилиш тўғрисидаги қарор 5, 10 ёки 20 йил давомида музлатилган эмбрионлардан фарзанд дунёга келтиришни хоҳлайдиган беморларга ишонч бағишлаши керак», — дейди эмбрион трансферини амалга оширган доктор Жон Дэвид Гордон.
Эгизак эмбрионлар 1990 йилларнинг бошида сунъий уруғлантириш йўли билан яратилган. 2007 йилгача улар АҚШнинг Ғарбий соҳилидаги лабораториясида сақланган, шундан сўнг эр-хотин уларни бошқа оила фойдаланиши учун Теннесси штатидаги NEDC’га берган.
NEDC баёнотига кўра, марказ соғлом болалар туғилиши ҳақидаги хабар бошқа потенциал ота-оналарни эмбриондан туғилган болаларни ўзлари учун асраб олиш бахтини ҳис қилишга ундайди. Эгизаклар туғилганда, Рижвей жуфтлигининг бир ёшдан саккиз ёшгача бўлган тўртта фарзанди бор эди ва уларнинг барчаси табиий равишда, донорларсиз ёки сунъий уруғлантиришсиз дунёга келган.
«Эгизак Лиди ва Тимоти (чақалоқлар исми) қайсидир маънода оилада энг кичик бўлса ҳам, бизнинг энг катта фарзандларимиз ҳисобланади», — дейди чақалоқлар отаси.
NEDC маълумотларига кўра, музлатилган эмбрионларни сақлаш учун вақт чегараси йўқ. Аммо 100 йил олдин эмбрионинг бир кун келиб туғилиш эҳтимоли юқори бўлмайди. Чунки бу технология нисбатан яқинда пайдо бўлган. Музлатилган эмбриондан биринчи бола Австралияда 1984 йилда дунёга келган.
Мавзуга доир:
Изоҳ (0)