Afg‘onistonda “Tolibon”ning Uruzgondagi mahalliy madaniyat va axborot departamenti rahbari Zaynulla Faruqiy ayollarga SIM-karta sotib olish taqiqlanganini aytdi. Bu haqda TOLOnews xabar berdi.
Ma’lum qilinishicha, ayollar uchun maxsus SIM-kartalar savdosi bo‘limi tashkil etilmaguncha, ularga SIM-karta sotish taqiqlanadi. Shu tariqa, uyali aloqa operatorlari o‘z filiallarida ayollarga xizmat qilishi kerak bo‘lgan maxsus bo‘limlarini tashkil etishi zarur. Ayni paytda, Uruzgon aholisi va ayollari mahalliy hokimiyatning bu qarori qiyinchiliklar tug‘dirayotganini aytib, yechim so‘ragan.
“Agar ayol xodimalar tayinlansagina, ular SIM-kartani bemalol sotib olishi mumkin”, — deydi Uruzgon shahrida yashovchi Abdulvali.
Mahalliy mutasaddilarning aytishicha, telekommunikatsiya tarmoqlari hamkorligida ayollar uchun alohida SIM-karta savdo markazlarini tashkil etishga harakat qilinmoqda.
Mavzuga doir:
